可以準確預測未來o既人，近期最為大家熟悉o既當然係瑪雅人啦。不過瑪雅人堅定流都仲要等到2012先知，但法國大帝拿破崙(Napoleon Bonaparte, 唔係簡東拿)有句穿越近二百年o既預言就即將實現。句說話係咁o既：'China is a sleeping giant. Let her sleep, for when she wakes, she will shake the world.'

    雞蛋覺得拿破崙係比劉伯溫同諾斯特拉達姆士(Nostradamus)更勁咖~!因為我地根本睇唔明劉伯溫同諾斯特拉達姆士想講乜...但拿破崙o既就好簡單丫：「唔好嘈住中國訓覺呀。如果唔係淨係佢起身篤早尿連諾亞方舟都浸埋你呀~!」

      日前閱讀某報一篇中文大學政治與行政學系高級導師所寫的時事評論，閱畢後心裡有種不暢快的感覺。不是那種意尤未盡的不暢快，而是覺得有點不對勁，卻說不出明白的那一種。反覆思考，終於理出了一點頭緒。

      廣深港高鐵老早已經一搥定音，奉阿爺之名落實執行。咁起鐵路呢家野，無返三五百億當然無可能成事啦~!2008年，政府就話起呢條全長26公里o既香港段，造價要395億(講開又講，大陸o個面長104.6公里都只係需要$190億...究竟係物價真係低成10幾倍定係偷工減料減10幾倍呢~!?)。大拿拿成400億，每個香港人即係要拎$5700出o o黎起一條你一年都未必會坐一次o既鐵路...無野呀??

      晌好耐好耐之前...雞蛋覺得通常Happy Ending o既童話故事都係由「晌好耐好耐之前」作開頭。所以，晌好耐好耐之前，當時位於現今南極大陸仲未被冰封，同今日o既南極大相徑庭，唔單止綠茵處處、鳥語花香，仲住左一大班人。生活環境與及文明程度大致同今日o既香港相若。唯一唔同o既係當地居民o既職業非常特別 -- 大部份o既當地居民都係尋寶人。

      傳說，希臘過去曾經有一座奧林柏斯山，山上住著各種不同神祇。最為人耳熟能詳者莫過於天神宙斯、太陽神阿波羅、海神波塞頓、冥王哈德斯、雞蛋最喜愛的使神漢密斯、酒神戴奧尼索斯... ...

      還有，祂 -- 愛神．丘比特... ...

      2009年雞蛋o既願望同目標。願望當然希望可以實現，但目標一定要達到。一年後睇返究竟做到幾多...

      假若由擁有到失去會令人無限欷歔，那末，由一無所有到名成利就的感覺，又是否真如紅塵眾生所想，那樣令人嚮往，那樣令人憧憬?? 呢個問題，雞蛋當然無資格答。因為雞蛋唔止雙失，要數的話，十失都o黎緊頭(失業失學失戀失眠失寵失望失落失ID Card...唯獨最想失o既身偏偏點都送唔走)...不過，雞蛋另一位忘年之交祖爾，佢絕對係其中一位有資格回答呢條問題o既人。

　　祖爾太有資格回答呢條問題。因為祖爾係一位成功人仕。嗯，至少晌別人眼中，佢係一位成功人仕。更精確一點說，晌別人眼中，祖爾的發展可謂非常接近完美：40出頭，於誇國公司位列中高層階級，有車有樓，待人有禮，處事謙虛，有修養、有見識、有學問，先天因素與後天配套已足以令一眾凡夫俗子艷羨不已。美中不足o既係個樣就差左少少，可悻...可幸...旁人暗自為祖爾感到不值：卿本佳人，奈何花容如此...可悻...可悻... 呢邊箱雞蛋就o諗：嘩~如果連樣都俾埋你，咁D人Christmas仲駛出o黎搵食o既??可幸可幸...

      雞蛋一直都話，香港o既高官係無得頂o既！佢地仲邊度有得頂jei~!?

      你話佢地蠢~!?當連澳門彈丸之地都包度機o既時候，佢地又醒目o諗到大把藉口唔包機。又話泰國唔批航權，又話機場未必有位...嘩...一架機都無位??咩機呀~!?神州七號定係UFO呀~!?

      你話佢地慢~!?一死人即刻包幾架機過去，快到你以為泰國政府入面隱藏o左香港o既特務。但又每架只接得o個幾十人。唔通香港政府包得幾部小型滑翔機~!?無理由丫...佢地又話唔夠位停機咖...

      青雲同祖爾係兩個人。兩個名，當然係兩個人。兩個人，當然有兩條命、兩條路。兩個人、兩條命、兩條路，衍生出兩個大相徑庭的故事。

      故事真箇大相徑庭？乃或大同小異？說法不一，唯有感覺卻是無容爭議 --

      唏噓。不勝唏噓 ...

      貴為公認對世界影響最深o既選舉 -- 美國總統大選晌今年11月後第一個星期一後o既星期二又o黎。本應係全球每4年最熱話題o既總統大選今年竟然俾金融海嘯搶去風頭...唔講，有幾多人知原來大選下個禮拜就到？

      不過好正常，香港人都係短視o既。大家只會探討一年半載內o既問題(係有遠見o既，香港股市就唔駛變質到短炒先係正路，長線投資被視為邪魔外道啦)。雞蛋就覺得今次全球金融體系能否盡快恢復健康。其中一個重要o既因素乃係取決於美國總統究竟係奧巴馬(Barack Obama)定係麥堅(John McCain)...